လျှပ်စစ်မီး ၂၄ နာရီပြတ်တောက်မည့် နှစ်ပတ်တာကာလအတွင်း မြစ်ကြီးနားနှင့်ဝိုင်းမော်မြို့များရှိ ဘူးဂါးလျှပ်စစ်ရုံးများတွင် ဖုန်းနှင့်ပါဝါဘန့်များအားသွင်းနိုင်ရန် စီစဉ်ပေးမည်ဟု သိရသည်။ လျှပ်စစ်ဓာတ်အားပြတ်တောက်နေသည့် ကာလအတွင်း ဘူးဂါးရုံးများတွင် နံနက် ၁၀ နာရီမှ ၁၂ နာရီနှင့် မွန်းလွှဲ ၂ နာရီမှ ၄ နာရီအတွင်း အားသွင်းနိုင်မည်ဟု ဘူးဂါးကုပ္မဏီ၏ ဖေ့စ်ဘုတ်လူမှုကွန်ရက်စာမျက်နှာတွင် ကြေညာထားသည်။ အဆိုပါကြေညာချက်အရ ဖုန်းနှင့်ပါဝါဘန့်များအားသွင်းနိုင်သည်ဟု ဖော်ပြထားသော်လည်း မြစ်ကြီးနားနှင့်ဝိုင်းမော်မြို့များတွင် အသုံးများသည့် ဘတ်ထရီဆိုင်ကယ်များ မပါဝင်ပါ။ ချီဖွေရေအားလျှပ်စစ်ဓာတ်အားပေးစက်များ ပြုပြင်ထိန်းသိမ်းရေးလုပ်ငန်းများ ဆောင်ရွက်ရန် မြစ်ကြီးနားမြို့နှင့် ဝိုင်းမော်မြို့တို့တွင် လာမည့် ဧပြီ ၁၈ ရက်နေ့မှ မေလ ၁ ရက်နေ့ထိ (၁၄) ရက်ကြာ (၂၄) နာရီ လျှပ်စစ်မီးတောက်မည်ဖြစ်သည်။
