မွန်ပြည်နယ်၊ ပေါင်မြို့တွင် သင်္ကြန် ရက်အတွင်း စက်သုံးဆီ ရောင်းချပေးနေမည်

မွန်ပြည်နယ်၊ ပေါင်မြို့နယ်တွင် သင်္ကြန် ပွဲတော်ရက်အတွင်း စက်သုံးဆီရောင်းချမှု ပုံမှန်အတိုင်းရှိနေမည်ဟုသိရပြီး ဧပြီလ ၁၃ ရက် သင်္ကြန်အကြိုနေ့ မနက်ပိုင်းက ပေါင် DENKO ဆိုင်၊ PMဆိုင် ၊အာရှမွန်ဆိုင်၊နှင့် ဇွဲမာန်အောင်ဆိုင်များ၌ စက်သုံးဆီရောင်းချနေ၍ တန်းစီဝယ်ယူနေမှုများကို တွေ့ရသည်။ ဓာတ်ဆီ 95 တစ်လီတာကို ၅၃၀၀ ကျပ်စျေး ရှိနေသည်ဟု သိရသည်။ ရရှိသည့် ခွဲတမ်း အပေါ်မူတည်၍ ရောင်းချပေးနေမည်ဖြစ်ပြီး ပွဲတော်ရက်မို့ ပိတ်ထား မှာမရှိဘူး ဟု စက်သုံးဆီအရောင်းဆိုင်ဝန်ထမ်းများထံမှ သိရသည်။