ဂျပန်နှင့် ယူကရိန်း ပူးပေါင်း၍ ဒေါ်လာ ၂,၅၀၀ တန် ဈေးသက်သာသော ဒရုန်းများ အမြောက်အမြား ထုတ်လုပ်မည်

ဂျပန်နိုင်ငံမှ Terra Drone ကော်ပိုရေးရှင်းသည် ယူကရိန်းမိတ်ဖက်များနှင့် ပူးပေါင်းကာ အီရန်လုပ် ရှာဟိဒ် (Shahed) ကဲ့သို့သော ဈေးပေါသည့် ဒရုန်းများကို တန်ပြန်တိုက်ခိုက်နိုင်မည့် ဒေါ်လာ ၂,၅၀၀ တန် ကြားဖြတ်ဒရုန်းများကို အမြောက်အမြား ထုတ်လုပ်ရန် စီစဉ်နေကြောင်း AFP သတင်းအရ သိရသည်။ လက်ရှိတွင် ဈေးနှုန်းသက်သာသော ဒရုန်းများကို ပစ်ချရန်အတွက် ဈေးကြီးလွန်းသည့် လေကြောင်းကာကွယ်ရေးဒုံးကျည်များကို အသုံးပြုနေရသဖြင့် စီးပွားရေးအရ တွက်ခြေမကိုက်သည့် ပြဿနာကို ဖြေရှင်းနိုင်ရန် ယခုကဲ့သို့ စရိတ်သက်သာသည့် ဒရုန်းနည်းပညာကို ဖော်ဆောင်လာခြင်းဖြစ်သည်။ Terra Drone ၏ အမှုဆောင်အရာရှိချုပ် တိုရု တိုခုရှိငဲ့က ယန်း ၅ သန်းတန် ဒရုန်းအား ယန်းသန်းရာချီတန်သော ဒုံးကျည်ဖြင့် ပစ်ချနေရသည့် အခြေအနေမှာ ရေရှည်တွင် မဖြစ်နိုင်တော့ကြောင်းနှင့် ဈေးနှုန်းသက်သာသော ဒရုန်းစနစ်များဖြင့်သာ ထိရောက်စွာ တန်ပြန်နိုင်မည်ဖြစ်ကြောင်း ပြောကြားခဲ့ပါသည်။