ဗီယက်နမ်နိုင်ငံ မွေနေးမြို့ (Mui Ne) ၂၀၂၆ ခုနှစ်အတွက် ကမ္ဘာ့ရေပန်းအစားဆုံး ခရီးစဉ် ၁၀ ခုစာရင်းတွင် ပါဝင်လာ

ဗီယက်နမ်နိုင်ငံ၏ ကမ်းခြေအပန်းဖြေမြို့လေးဖြစ်သော မွေနေး (Mui Ne) သည် Booking.com ၏ ၂၀၂၆ ခုနှစ်အတွက် ကမ္ဘာ့ရေပန်းအစားဆုံး ခရီးစဉ် ၁၀ ခု (Top 10 Global Trending Destinations) စာရင်းတွင် ထည့်သွင်းဖော်ပြခြင်း ခံခဲ့ရကြောင်း ဧပြီလ ၈ ရက်နေ့ သတင်းများအရ သိရသည်။ အဆိုပါစာရင်းတွင် မွေနေးသည် အဆင့် ၈ နေရာတွင် ရှိနေပြီး နိုင်ငံတကာခရီးသွားများ၏ ရှာဖွေမှုနှုန်းမှာ ယခင်နှစ်ထက် ၂၀ ရာခိုင်နှုန်းခန့် မြင့်တက်လာခဲ့သည်။ မွေနေး၏ ထူးခြားသော သဲသောင်ပြင်ရှုခင်းများ၊ ငါးဖမ်းရွာလေးများ၏ ရိုးရာဓလေ့နှင့် စွန်လွှတ်လှိုင်းစီးခြင်း (Kitesurfing) ကဲ့သို့သော ရေကစားနည်းများကြောင့် ခရီးသွားများအကြား ဆွဲဆောင်မှုရှိနေခြင်းဖြစ်သည်။Booking.com ၏ စစ်တမ်းအရ ၂၀၂၆ ခုနှစ်တွင် ခရီးသွားများသည် သမားရိုးကျခရီးစဉ်များထက် မိမိတို့၏ စိတ်ဝင်စားမှုနှင့် ကိုယ်ပိုင်ဟန်ကို ဖော်ဆောင်နိုင်သည့် ခရီးစဉ်များကို ပိုမိုရွေးချယ်လာကြကြောင်း သိရသည်။ အဆိုပါ ကမ္ဘာ့ထိပ်တန်းစာရင်းတွင် စပိန်နိုင်ငံမှ Bilbao၊ ဘရာဇီးနိုင်ငံမှ Manaus နှင့် အမေရိကန်နိုင်ငံမှ Philadelphia တို့လည်း ပါဝင်ကြသည်။ ပြည်တွင်းခရီးသွားများအတွက်လည်း မွေနေးသည် ဗီယက်နမ်တွင် ရှာဖွေမှုအများဆုံး ခရီးစဉ်အဖြစ် အဆင့် ၉ နေရာသို့ တက်လှမ်းလာခဲ့သည်။