ထိုင်ဝမ်အတိုက်အခံခေါင်းဆောင် ချန်လီဝမ်က ပါတီတည်ထောင်သူ ဆွန်ယက်ဆင်၏ စိတ်ဆန္ဒ အတိုင်း တရုတ်နိုင်ငံနှင့် ပြန်လည်သင့်မြတ်ရေးကို ရှာဖွေရန် ဧပြီလ ၈ ရက် ဗုဒ္ဓဟူးနေ့တွင် ကတိပြုခဲ့ပြီး ကွန်မြူနစ်တော်လှန်အပြီးတွင် နိုင်ငံ၏ အောင်မြင်မှုများအတွက် သူ၏ ဂူဗိမာန်တွင် ချီးကျူးဂုဏ်ပြုခဲ့သည်။ ပေကျင်းက ၎င်းပိုင်နယ်မြေဟု ရှုမြင်သော ထိုင်ဝမ်အပေါ် ပေကျင်း၏စစ်ရေးဖိအားများတိုးမြင့်လာနေချိန်နှင့် အတိုက်အခံလွှမ်းမိုးသော လွှတ်တော်တွင် အစိုးရက တင်ပြသော အပိုကာကွယ်ရေးအသုံးစရိတ် ဒေါ်လာ ၄၀ ဘီလျံကိစ္စကို ဆိုင်းငံ့ထားချိန်တွင် ထိုင်ဝမ်၏ အကြီးဆုံးအတိုက်အခံပါတီဖြစ်သော ကူမင်တန်ပါတီဥက္ကဌ ချန်သည် တရုတ်နိုင်ငံသို့ ရောက်ရှိနေခဲ့ခြင်းဖြစ်သည်။
