တနင်္သာရီတိုင်း ထားဝယ်မြို့မှာ ဆိုင်ကယ်နဲ့ ကားတွေကို စုံ/မ ခွဲပြီး ဖမ်းဆီးကာ အရေးယူနေတယ်လို့ သိရပါတယ်။ဧပြီလ ပထမပတ်က စတင်ပြီး
ထွေအုပ်နဲ့ ရဲပါဝင်တဲ့ ပူးပေါင်းအဖွဲ့တွေဟာ ထားဝယ်မြို့က လမ်းမတွေပေါ်မှာ ဆိုင်ကယ်လိုင်စင် စစ်ဆေးကာ စုံ/မ ခွဲပြီး အရေးယူ ဖမ်းဆီးနေတယ်လို့ သိရပါတယ်။ဖမ်းဆီးရာမှာ ဆိုင်ကယ်ကို သိမ်းယူကာ တရားရုံမှာ ပြန်လည်ထုတ်ခိုင်းတာမျိုးဖြစ်ပြီး လူကို ဖမ်းဆီးတာမဟုတ်ဘူးလို့လည်း သိရပါတယ်။စုံ/မ စနစ် ဖောက်ဖျက်မောင်းနှင်သူတွေကို ထားဝယ်တရားရုံးက ၂၀၂၀ ပြည့်နှစ် ယာဉ်အန္တရာယ်ကင်းရှင်းရေး မော်တော်ယာဉ်စီမံခန့်ခွဲမှု ဥပဒေပုဒ်မ ၉၆ အရ ကျပ်သုံးသောင်းထက်မပိုတဲ့ ငွေဒဏ်ချမှတ်ခဲ့တာလို့ သိရပါတယ်။
