စွမ်းအင်ဝန်ကြီးဌာန၏ အောက်ရှိ မော်တော်ယာဉ်သုံး သဘာဝဓာတ်ငွေ့ဌာနမှ အများပြည်သူ သယ်ယူပို့ဆောင်ရေးကဏ္ဍတွင် လုံခြုံရေးနှင့် စနစ်တကျ အသုံးပြုနိုင်ရေးအတွက် CNG မော်တော်ယာဉ်များအား စည်းကမ်းများကို တိတိကျကျလိုက်နာရန် အသိပေးထုတ်ပြန်လိုက်သည်။ဌာန၏ အဆိုအရ ရန်ကုန်၊ မန္တလေး၊ ပလိပ်နှင့် မကွေးတိုင်းဒေသကြီးရှိ ချောက်နှင့် ရေနံချောင်းမြို့များတွင် CNG အရောင်းဆိုင်များကို ပိတ်ရက်မရှိ ဖွင့်လှစ်၍ ဈေးနှုန်းချိုသာစွာဖြင့် ဖြန့်ဖြူးရောင်းချပေးလျက်ရှိကြောင်း သိရသည်။CNG သည် ဖိအားမြင့်ဖြင့် ဆလင်ဒါအိုးအတွင်း ဖိသိပ်ထားသော ဓာတ်ငွေ့ဖြစ်သဖြင့် အိုး၊ ပိုက်နှင့် စနစ်များ မလုံခြုံပါက ယိုစိမ့်၍ မီးလေ-ာင်ပေ-ါက်ကွဲနိုင်သော အန္တရာယ်ရှိကြောင်း ဌာနက သတိပေးထားသည်။ ထို့ကြောင့် ယာဉ်များကို နှစ်စဉ် စစ်ဆေးမှု (Annual Inspection) ပြုလုပ်ပြီး စစ်ဆေးမှုအောင်မြင်သည့် ယာဉ်များကိုသာ CNG အသုံးပြုခွင့် ဆက်လက်ခွင့်ပြုမည်ဖြစ်ကြောင်း ထုတ်ပြန်ထားသည်။CNG မော်တော်ယာဉ်ပိုင်ရှင်များအနေဖြင့် နှစ်ပတ်လည် စစ်ဆေးမှုများကို မဖြစ်မနေ လာရောက် စစ်ဆေးရမည်ဖြစ်ပြီး စည်းကမ်းမလိုက်နာသည့် ယာဉ်များကို ဓာတ်ငွေ့ရောင်းချပေးမှုမှ ရပ်ဆိုင်းမည်ဖြစ်ကြောင်းလည်း အသိပေးထားသည်။စည်းကမ်းမလိုက်နာသည့် (၅) နှစ်ကျော် ယာဉ်များကို CNG စာရင်းမှ အပြီးပယ်ဖျ-က်မည်ဖြစ်ပြီး အချိန်မီ စစ်ဆေးခြင်းမရှိသည့် ယာဉ်များအတွက် CNG ဝယ်ယူခွင့်ကို သတ်မှတ်ကာလအလိုက် ရပ်ဆိုင်းမည်ဖြစ်ကြောင်း သိရသည်။
