ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့မီးရထားသည် မဟာသင်္ကြန်ရုံးပိတ်ရက်အတွင်း ခရီးသွားလာသူများ အဆင်ပြေစေရန် ရန်ကုန်-နေပြည်တော်၊ ရန်ကုန်-ပြည် နှင့် ရန်ကုန်-မော်လမြိုင် ခရီးစဉ်များအတွက် အထူးရထားများကို ဧပြီလ ၁၀ ရက်မှစတင်ကာ သတ်မှတ်ရက်များအလိုက် တိုးချဲ့ပြေးဆွဲပေးမည်ဖြစ်သည်။ ရန်ကုန်-နေပြည်တော် ခရီးစဉ်အတွက် စပိန် DEMU ရထားများကိုလည်းကောင်း၊ ရန်ကုန်-ပြည်နှင့် ရန်ကုန်-မော်လမြိုင် ခရီးစဉ်များအတွက် လေအိတ်ရထားများကိုလည်းကောင်း ပြေးဆွဲပေးမည်ဖြစ်ပြီး လက်မှတ်များကို သက်ဆိုင်ရာဘူတာများတွင် လူကိုယ်တိုင်ဖြစ်စေ၊ နေပြည်တော်လမ်းပိုင်းအတွက် Online မှဖြစ်စေ ကြိုတင်ဝယ်ယူနိုင်ပါသည်။ သို့သော် သင်္ကြန်ရက်များဖြစ်သည့် ဧပြီလ ၁၃ ရက်မှ ၁၆ ရက်အထိ လူစီးအမြန်ရထားအချို့ ပြေးဆွဲမှုကို ခေတ္တရပ်နားထားမည်ဖြစ်ကာ၊ ဧပြီလ ၁၇ ရက်နေ့မှစတင်၍ ခရီးစဉ်အားလုံး ပုံမှန်အတိုင်း ပြန်လည်ပြေးဆွဲပေးသွားမည်ဖြစ်ကြောင်း သိရှိရပါသည်။
မဟာသင်္ကြန်ရုံးပိတ်ရက်ကာလအတွင်း မြန်မာ့မီးရထားမှ အထူးရထားများ တိုးချဲ့ပြေးဆွဲပေးမည်
Apr 08 • 8:30 AM
Myanmar
Local
Share
 65 |  0 |  0 |  0 |
