တွံတေးမြို့နယ်၊ ခလောက်ချိုင့်ကျေးရွာတွင် ကျူတောမီးလောင်မှုဖြစ်ပွား၊ လှိုင်သာယာမီးသတ်တပ်ဖွဲ့ သွားရောက်ငြှိမ်းသတ်

၂၀၂၆ ခုနှစ်၊ ဧပြီလ ၈ ရက်နေ့ မွန်းလွဲ ၁ နာရီ ၄၀ မိနစ်အချိန်တွင် ရန်ကုန်တိုင်းဒေသကြီး၊ တွံတေးမြို့နယ်၊ ခလောက်ချိုင့်ကျေးရွာ၌ ကျူတောမီးလောင်မှုတစ်ခု ဖြစ်ပွားခဲ့ကြောင်း သိရှိရသည်။ အဆိုပါမီးလောင်မှုအား ငြှိမ်းသတ်နိုင်ရန်အတွက် လှိုင်သာယာမြို့နယ်မီးသတ်စခန်းမှ မီးငြှိမ်းသတ်ယာဉ် (၁) စီးနှင့် ရေသယ်ယာဉ် (၁) စီးတို့သည် သတင်းရရှိသည်နှင့်တစ်ပြိုင်နက် ထွက်ခွာ၍ ငြှိမ်းသတ်ခြင်းလုပ်ငန်းများ ဆောင်ရွက်လျက်ရှိကြောင်း သိရှိရပါသည်။