၀ပြည်နယ်ရှိ သတ္တုတွင်းယမ်းချက်စခန်း ပေါက်ကွဲမှုဖြစ်ပွား

၀ပြည်နယ်အတွင်းရှိ သတ္တုတူးဖော်ရေးလုပ်ငန်းသုံး ယမ်းချက်လုပ်သည့်နေရာတစ်ခုတွင် ယမန်နေ့ညနေပိုင်းက အင်အားပြင်းပေါက်ကွဲမှုတစ်ခု ဖြစ်ပွားခဲ့ပြီး လူသေဆုံးမှုများစွာရှိနေကြောင်း မြေပြင်သတင်းရင်းမြစ်များထံမှ သိရှိရသည်။ အဆိုပါပေါက်ကွဲမှုသည် သတ္တုတွင်းလုပ်ငန်းခွင်အတွင်း အသုံးပြုသည့် ယမ်းများချက်လုပ်ရာနေရာတွင် ဖြစ်ပွားခဲ့ခြင်းဖြစ်ပြီး ပေါက်ကွဲမှုပြင်းအားကြောင့် အနီးအနားရှိ လူအများအပြား ထိခိုက်သေဆုံးခဲ့ခြင်းဖြစ်သည်ဟု မြေပြင်သတင်းရင်းမြစ်က ဆိုသည်။ပေါက်ကွဲမှုဖြစ်ရသည့် အကြောင်းရင်းနှင့် အသေအပျောက်စာရင်း အတိအကျကိုမူ ၀အာဏာပိုင်များဘက်မှ တရားဝင်သတင်းထုတ်ပြန်ခြင်း မရှိသေးပေ။