ထိုင်းနိုင်ငံ၊ အယုဒ္ဓယမြို့၊ လမ်လုကာ ခြောင် (၈) ဒေသရှိ ဆေးသုတ်လုပ်ငန်းတစ်ခုတွင် ပအိုဝ်းတိုင်းရင်းသူ အလုပ်သမားတစ်ဦးအား ထိုင်းလူမျိုး အလုပ်သမားခေါင်းဆောင်တစ်ဦးက အဓမ္မပြုကျင့်မှု ဖြစ်ပွားခဲ့ကြောင်း ထိုင်းနိုင်ငံရောက် ပအိုဝ်းတိုင်းရင်းသားများ၏ လူမှုကူညီရေးအဖွဲ့ထံမှ သိရသည်။ယင်းဖြစ်စဉ်နှင့် ပတ်သက်၍ ထိုင်းနိုင်ငံရှိ ပအိုဝ်းလူမှုကူညီရေးအဖွဲ့ထံ တိုင်ကြားထားပြီး၊ ယမန်နေ့ ဧပြီ ၅ ရက်နေ့တွင် သက်ဆိုင်ရာအာဏာပိုင်များထံ အမှုဖွင့်ထားပြီး ဖြစ်ကြောင်း သိရသည်။အဓမ္မကျင့်ခံရသူ အလုပ်သမားအမျိုးသမီးသည် ထိုင်းနိုင်ငံသို့ ရောက်ရှိလာသည်မှာ ၃ လခန့်သာ ရှိသေးပြီး၊ ထိုင်းဘာသာစကား မကျွမ်းကျင်သေးသလို တရားဝင် အထောက်အထားများ ဖြစ်သည့် အလုပ်လုပ်ခွင့်လက်မှတ်နှင့် အလုပ်သမားကတ်များလည်း မရှိသေးကြောင်း သိရသည်။လက်ရှိတွင် ပအိုဝ်းလူမှုကူညီရေးအဖွဲ့မှ ထိခိုက်နစ်နာသူအတွက် ဥပဒေရေးရာ အကူအညီများ၊ ဘာသာပြန်အကူအညီများနှင့် လူမှုရေးထောက်ပံ့မှုများ ဆက်လက် ပံ့ပိုးပေးလျက်ရှိကြောင်း သိရသည်။
