အဖျောက်သဘာဝဓာတ်ငွေ့မြေမှ ထွက်ရှိသည့် ဓာတ်ငွေ့များကို ရန်ကုန်သယ်ယူပို့ဆောင်ရေးကဏ္ဍတွင် အသုံးပြုလျက်ရှိ

ရန်ကုန်တိုင်းဒေသကြီး၊ တိုက်ကြီးမြို့နယ်ရှိ အဖျောက်သဘာဝဓာတ်ငွေ့မြေမှ ထွက်ရှိသော ဓာတ်ငွေ့များကို ရန်ကုန်တိုင်းအတွင်းရှိ အများပြည်သူသယ်ယူပို့ဆောင်ရေးနှင့် ကုန်စည်ပို့ဆောင်ရေးကဏ္ဍများတွင် အသုံးပြုနေကြောင်း မြန်မာ့ရေနံနှင့် သဘာဝဓာတ်ငွေ့လုပ်ငန်းမှ သိရသည်။ ၁၉၉၁ ခုနှစ်တွင် စတင်တွေ့ရှိခဲ့သည့် အဆိုပါဓာတ်ငွေ့မြေသည် ၂၀၁၉ ခုနှစ်တွင် ရပ်ဆိုင်းလုနီးပါး ဖြစ်ခဲ့သော်လည်း၊ လက်ရှိတွင် သုတေသနပြု ဆောင်ရွက်မှုများကြောင့် တွင်းသစ်တစ်တွင်းနှင့် တွင်းဟောင်း ၄ တွင်းတို့မှ ဓာတ်ငွေ့များ ပြန်လည်ထုတ်လုပ်နိုင်ပြီဖြစ်သည်။ အထူးသဖြင့် ထပ်မံထွက်ရှိလာသည့် တွင်းအမှတ် (၅၇) မှ တစ်ရက်လျှင် ဓာတ်ငွေ့ကုဗပေ ၁ ဒသမ ၅ သန်းခန့် ထွက်ရှိနေပြီး၊ အဆိုပါဓာတ်ငွေ့များကို ရန်ကုန်မြို့ရှိ တက္ကစီများ၊ YBS ဘတ်စ်ကားများနှင့် ကုန်တင်ယာဉ်များတွင် အဓိကအသုံးပြုနေကြောင်း သိရှိရပါသည်။