ကမ္ဘောဒီးယား ခရီးသွားလာရေးဝန်ကြီးဌာန ဝန်ကြီး ဟွော့ ဟက် သည် MJP ဖောင်ဒေးရှင်း ဥက္ကဋ္ဌ ဟားလဝဒ် မင်းသမီး အန်ဂျလီနာဂျိုလီ နှင့် မနေ့က ဝန်ကြီးဌာနတွင် တွေ့ဆုံခဲ့ပြီး နိုင်ငံတကာသို့ ခရီးသွားလုပ်ငန်း ချဲ့ထွင်မြှင့်တင်ရေး ကိစ္စရပ်များကို ဆွေးနွေးခဲ့ကြသည်။ဂျိုလီသည် ကမ္ဘောဒီးယားနိုင်ငံ၏ ထူးခြားဆန်းပြားသော ခရီးသွားများကို ဆွဲဆောင် သောဒေသများကို ကမ္ဘာကသိအောင် ဖော်ထုတ်ပြသသွားမည်ဟု ကတိပြုခဲ့ပြီး အဆိုပါလုပ်ဆောင်ချက်မှာ “နိုင်ငံသားတိုင်းသည် ကမ္ဘောဒီးယားခရီးသွားလုပ်ငန်း၏ သံတမန်များဖြစ်ကြသည်” ဟူသော နိုင်ငံတော်ဆောင်ပုဒ်နှင့် တစ်သားတည်း ဖြစ်စေခဲ့သည်။ အဆိုပါတွေ့ဆုံမှုသည် ဂျိုလီ၏ ကမ္ဘောဒီးယားနှင့် အခြားနိုင်ငံအချို့သို့ သွားရောက်သည့် လူသားချင်းစာနာထောက်ထားမှုဆိုင်ရာ ခရီးစဉ်အတွင်း ဖြစ်ပေါ်ခဲ့ခြင်း ဖြစ်သည်။
