မကွေးတိုင်း၌ နေ့အပူချိန်များမြင့်တက်လာသဖြင့် စလင်းမြို့ရှိ မြတ်ရတနာဓမ္မာရုံကြီးနှင့် ဆင်ဖြူကျွန်းမြို့ရှိ ဆည်းဆာဘိုးဘွားရိပ်သာတို့ကို ထိခိုက်လွယ်အုပ်စုများနှင့် ဘိုး/ဘွားများအတွက် အပူရှောင်စခန်းများအဖြစ်ဖွင့်လှစ်ထားသည်။အဆိုပါ အပူရှောင်စခန်းများကို ဧပြီ ၂ ရက်မှစတင်၍ဖွင့်လှစ်ခဲ့ခြင်းဖြစ်ပြီး မြတ်ရတနာဓမ္မာရုံကြီး၌ ဘိုး/ဘွား (၂၀) ဦးနှင့် ဆည်းဆာဘိုးဘွားရိပ်သာ၌ ဘိုး/ဘွား (၅၇) ဦးတို့အား နံနက် ၇ နာရီမှည ၆ နာရီအထိနေထိုင်စေပြီး မြို့နယ်စီမံခန့်ခွဲရေးနှင့်အုပ်ချုပ်မှုကော်မတီမှ ထမင်းဟင်း၊ အအေး၊ လက်ဖက်သုပ်၊ ဇီးထန်းလျက်တို့ကိုကျွေးမွေးလျက်ရှိသည်။
