ထိုင်းနိုင်ငံသည် လူနေမှုစရိတ်များ မြင့်တက်လာသဖြင့် လုပ်ငန်းစုကြီးများထံမှ အကူအညီများ ရယူ

ထိုင်းနိုင်ငံသည် လူနေမှုစရိတ်များ မြင့်တက်လာသည်ကို ထိန်းချုပ်ရန် ဘီလီယံနာများ ဦးဆောင်သော လုပ်ငန်းစုကြီးများထံမှ အကူအညီများ ရယူသည်။ ဘီလျံနာ သူဌေးကြီးများဖြစ်ကြသည့် Charoen Sirivadhanabhakdi ၊ Chearavanont နှင့် Chirathivat မိသားစုများ၏ ကုမ္ပဏီများ အပါအဝင် အဓိက လက်လီအရောင်းလုပ်ငန်းကြီးများသည် အိမ်သုံးအမှတ်တံဆိပ် စားသောက်ကုန်များ၊ အလှကုန်ပစ္စည်းများနှင့် အခြားမရှိမဖြစ်ပစ္စည်းများကို ၂၅ မှ ၅၀%အထိ လျှော့စျေးဖြင့် ရောင်းချရန် သဘောတူညီခဲ့ကြသည်။ ၎င်းအစီအစဉ်သည် “ထိုင်းများက ထိုင်းများကို ကူညီကြသည်” “Thais Helping Thais” ဟု အမည်ပေးထားသော အစိုးရကျောထောက်နောက်ခံပြုသည့် ကမ်ပိန်းတွင် ပါဝင်သည်။