ဘန်ကောက်မြို့၊ မင်းဘူရီခရိုင်ရှိ နေအိမ်တစ်လုံးတွင် ခုနစ်နှစ်အရွယ် သမီးဖြစ်သူကို လည်ပင်းညှစ်သတ်ပြီး ထွက်ပြေးတိမ်းရှောင်သွားသည့် အသက် ၃၄ နှစ်အရွယ် မြန်မာအမျိုးသမီး မမျိုးပပထွန်း ကို ၂၀၂၆ ခုနှစ်၊ ဧပြီလ ၂ ရက် မွန်းလွဲပိုင်းတွင် ချွန်ဘူရီခရိုင်၊ ပတ္တရားကမ်းလွန်ရှိ ကိုလန်းကျွန်း (Koh Larn) ပေါ်ရှိ ဟိုတယ်တစ်ခု၌ ဖမ်းဆီးရမိခဲ့သည်။ သံသယရှိသူသည် ဘရူနိုင်းမှ ပြန်လည်ရောက်ရှိလာပြီးနောက် စိတ်ကျရောဂါနှင့် ကိုယ်ရေးကိုယ်တာအခက်အခဲများကြောင့် ပြင်းထန်စွာစိတ်ဖိစီးကာ မိမိကိုယ်ကိုယ် အဆုံးစီရင်ရန် ကြံစည်ခဲ့စဉ် သမီးဖြစ်သူကိုပါ သတ်ဖြတ်ခဲ့ခြင်းဖြစ်ကြောင်း ဝန်ခံထွက်ဆိုထားသည်။ ဧပြီလ ၁ ရက်နေ့က ဖြစ်ပွားခဲ့သည့် အဆိုပါဖြစ်စဉ်အတွက် မင်းဘူရီရာဇဝတ်တရားရုံးက ရည်ရွယ်ချက်ရှိရှိ လူသတ်မှုဖြင့် ဝရမ်းထုတ်ပြန်ထားပြီး၊ လက်ရှိတွင် ၎င်းအား မင်းဘူရီရဲစခန်း၌ ဆက်လက်စစ်ဆေးမေးမြန်းရန် ထိန်းသိမ်းထားကြောင်း
သိရှိရပါသည်။
