နှစ်ပေါင်း ၅၀ ကျော်ကာလအတွင်း လကမ္ဘာသို့ ပထမဆုံးအကြိမ်အဖြစ် သွားရောက်မည့် NASA ၏ အာတဲမစ် ၂(Artemis II) မစ်ရှင်သည် အောင်မြင်စွာ ပျံတက်သွားပြီဖြစ်ပြီး လက်ရှိတွင် အာကာသယာဉ်မှာ ကမ္ဘာ့ပတ်လမ်းကြောင်းအတွင်းသို့ ရောက်ရှိနေပြီ ဖြစ်သည်။
အာကာသယာဉ်မှူးများသည် လာမည့် ၂၄ နာရီအတွင်း ကမ္ဘာ့ပတ်လမ်းကြောင်းထဲ၌ပင် ရှိနေဦးမည်ဖြစ်ပြီး လိုအပ်သော စစ်ဆေးမှုများကို လုပ်ဆောင်သွားမည်ဖြစ်သည်။ အားလုံးအဆင်ပြေပါက လကမ္ဘာသို့ ဦးတည်ပျံသန်းရန် မီးစိမ်းပြ ခွင့်ပြုချက်ရရှိမည် ဖြစ်သည်။အာတဲမစ် ၂ ဒုံးပျံလွှတ်တင်ပြီးနောက် ပြုလုပ်သည့် သတင်းစာရှင်းလင်းပွဲတွင် "အာကာသယာဉ်မှူးများအားလုံး ဘေးကင်းပြီး စိတ်ဓာတ်တက်ကြွလျက်ရှိသည်" ဟု NASA အရာရှိတစ်ဦးက ပြောကြားခဲ့သည်။
