ဂျပန်တွင် ကွာရှင်းထားသော ဇနီးမောင်နှံများကလေးကို အတူစောင့်ရှောက်ခွင့်ရတော့မည်

ဂျပန်နိုင်ငံ၏ တရားမဥပဒေကို အထူးပြင်ဆင်ချက်တစ်ရပ်သည် ဗုဒ္ဓဟူးနေ့တွင် စတင်အသက်ဝင်လာပြီးနောက် ကွာရှင်းထားသော ဇနီးမောင်နှံများသည် ၎င်းတို့၏ ကလေးသူငယ်များကို အတူတကွ စောင့်ရှောက်ခွင့်ရရှိကြတော့မည် ဖြစ်သည်။၂၀၂၄ ခုနှစ်တွင် လွှတ်တော်က အတည်ပြုခဲ့သော အဆိုပါပြင်ဆင်ချက်မတိုင်မီက ဂျပန်နိုင်ငံသည် G7 နိုင်ငံများအနက် အတူတကွ စောင့်ရှောက်ခွင့် (Joint Custody) ကို ဥပဒေကြောင်းအရ အသိအမှတ်မပြုသည့် တစ်ခုတည်းသော နိုင်ငံဖြစ်ခဲ့သည်။ယခင်က ကလေးစောင့်ရှောက်ခွင့်ကို မိဘတစ်ဦးဦး (အများအားဖြင့် မိခင်) ထံသို့သာ အပ်နှင်းလေ့ရှိပြီး အဆိုပါမိဘသည် ကျန်ရှိသည့် မိဘတစ်ဦးနှင့် ကလေးအား တွေ့ဆုံခွင့်ကို ဖြတ်တောက်နိုင်သည့် လုပ်ပိုင်ခွင့်ရှိခဲ့သည်။ ဤသို့ တစ်ဦးတည်းစောင့်ရှောက်ခွင့်စနစ်ကြောင့် ကွာရှင်းထားသူ အများအပြားသည် ၎င်းတို့၏ ကလေးများနှင့် အဆက်အသွယ်ပြတ်တောက်သွားရသဖြင့် ဂျပန်ပြည်တွင်းနှင့် နိုင်ငံတကာမှ ဝေဖန်မှုများ မြင့်တက်ခဲ့သည်။