ထိုင်းက လာအိုနှင့် မြန်မာမှလွဲ၍ ကျန်နိုင်ငံများသို့ စက်သုံးဆီတင်ပို့မှု ပိတ်ပင်သော်လည်း စွမ်းအင်လုံခြုံရေးအတွက် အိမ်နီးချင်းနှစ်နိုင်ငံကို ဆက်လက်ပံ့ပိုးမည်

ထိုင်းဝန်ကြီးချုပ် အနုတင် ချာန်ဝီရာကူးလ် က လာအိုနှင့် မြန်မာနိုင်ငံမှလွဲ၍ ကျန်ပြည်ပနိုင်ငံများသို့ စက်သုံးဆီတင်ပို့မှု ပိတ်ပင်လိုက်သော်လည်း၊ အဆိုပါအိမ်နီးချင်းနှစ်နိုင်ငံကိုမူ စွမ်းအင်စီမံခန့်ခွဲမှု မဟာဗျူဟာအရ တင်ပို့မှုပမာဏ ကန့်သတ်ချက်ဖြင့် ဆက်လက်ရောင်းချပေးသွားမည်ဖြစ်ကြောင်း ထိုင်းနိုင်ငံ အမျိုးသားစီးပွားရေးနှင့် လူမှုရေးဖွံ့ဖြိုးတိုးတက်မှုကောင်စီ (NESDC) က ရှင်းလင်းပြောကြားလိုက်သည်။ မြန်မာနိုင်ငံမှ သဘာဝဓာတ်ငွေ့များကို ထိုင်းနိုင်ငံအတွင်း လျှပ်စစ်ထုတ်လုပ်ရေးအတွက် ပိုက်လိုင်းဖြင့် တင်သွင်းနေရခြင်းနှင့် လာအိုနိုင်ငံမှ ရေအားလျှပ်စစ်ကို အနာဂတ်တွင် ပိုမိုတင်သွင်းရန် လိုအပ်နေခြင်းတို့ကြောင့် ယခုကဲ့သို့ စွမ်းအင်ဆိုင်ရာ အပြန်အလှန်ပူးပေါင်းဆောင်ရွက်မှုကို ထိန်းသိမ်းထားခြင်းဖြစ်သည်။ ယခင်က တစ်ရက်လျှင် လီတာ ၅ သန်းစီ တင်ပို့ခဲ့သော်လည်း လက်ရှိတွင် လာအိုသို့ လီတာ ၄ သန်းကျော်နှင့် မြန်မာသို့ လီတာ ၃ သိန်းဝန်းကျင်အထိ လျှော့ချကန့်သတ်၍ တင်ပို့နေခြင်းဖြစ်ကြောင်း သိရှိရပါသည်။