ထိုင်းနိုင်ငံ၊ ချင်းရိုင်ခရိုင် မယ်ဆိုင်မြို့နယ်တွင် အသက် ၁၇ နှစ်အရွယ် အမျိုးသမီးတစ်ဦး သတ်ဖြတ်ခံရမှုနှင့် ဆက်နွယ်ပြီး မြန်မာအမျိုးသားတစ်ဦးကို ရဲတပ်ဖွဲ့က ဖမ်းဆီးခဲ့သည်ဟု ထိုင်းမီဒီယာများက ဖော်ပြထားသည်။စုံစမ်းချက်များအရ သေဆုံးသူသည် လူမှုကွန်ယက်မှတစ်ဆင့် သိကျွမ်းခဲ့သော အဆိုပါအမျိုးသားနှင့် တွေ့ဆုံရန် သွားရောက်ခဲ့ပြီးနောက် ပျောက်ဆုံးသွားခဲ့သည်။ နောက်နေ့တွင် လမ်းဘေး၌ ထိုးဒဏ်ရာများဖြင့် သေဆုံးနေသည်ကို တွေ့ရှိခဲ့ကြောင်း သိရသည်။အဆိုပါအမျိုးသားသည် နောက်ပိုင်းတွင် ဆိုင်ကယ်ကို တစ်ဦးတည်းပြန်စီးလာပြီး လူပျောက်တိုင်ချက် ဖွင့်ကာ လှည့်ဖြားရန် ကြိုးပမ်းခဲ့သော်လည်း သက်သေများအရ ရဲတပ်ဖွဲ့က ဖမ်းဆီးနိုင်ခဲ့သည်။ စစ်ဆေးမှုအတွင်း အမျိုးသမီးကို အဓမ္မပြုကျင့်ရန် ကြိုးပမ်းရာမှ သတ်ဖြတ်ခဲ့ကြောင်း ဝန်ခံထားသည်။လက်ရှိတွင် သက်ဆိုင်ရာ တာဝန်ရှိသူများက ဥပဒေအရ ဆက်လက် အရေးယူဆောင်ရွက်လျက်ရှိသည်။
