ညောင်ခါးရှည်အနီး ရပ်ထားသော ၁၂ ဘီးကားကို အငှားယာဥ်တစ်စီးက နောက်မှ ဝင်တိုက်၊ ယာဥ်ပေါ်ပါ သုံးဦးလုံး သေဆုံး

ပဲခူးတိုင်းဒေသကြီး၊ ဝေါမြို့နယ်၊ ညောင်ခါးရှည်စစ်ဆေးရေးဂိတ်အနီးတွင်မတ်လ ၂၉ ရက် ည ၇ နာရီခွဲခန့်အချိန်က အမျိုးသားတစ်ဦးမောင်းနှင်ကာ အမျိုးသမီးတစ်ဦးနှင့် အမျိုးသားတစ်ဦးတို့ လိုက်ပါလာသည့် Toyota Fielder အနက်ရောင်အငှားယာဥ်မှာ ရပ်ထားသော ၁၂ ဘီးကားကို အရှိန်ဖြင့်ဝင်တိုက်ခဲ့ခြင်းဖြစ်သည်။ယာဉ်တိုက်သည့်အရှိန်‌ကြောင့် အငှားယာဥ်တစ်စီးလုံး ပျက်စီးသွားပြီး ယာဥ်ပေါ်ပါသုံးဦးမှာ အခင်းနေရာမှာပင် ပွဲချင်းပြီး သေဆုံးသွားခဲ့ကြောင်း သိရသည်။