အာရက္ခဒေသ၊ ကျောက်တော်မြို့နယ်၊ ကျားနင်းကန်ကျေးရွာတွင် ယမန်နေ့ မတ်လ ၂၇ ရက်နေ့က အသက် (၉) နှစ်အရွယ် ကလေးငယ်တစ်ဦး ရေနစ်သေဆုံးသွားကြောင်း သိရသည်။၎င်းသည် ယမန်နေ့ မတ်လ ၂၇ ရက်နေ့ ညနေ (၃)နာရီအချိန်လောက်တွင် နေအိမ်မှ ပျောက်ဆုံးသွားပြီး ယနေ့ မတ်လ ၂၈ ရက်နေ့တွင် ကျားနင်းကန်ရွာ၏တောင်ဖက်အရပ်တွင်ရှိသော ရေကန်ပျက်ကြီးတစ်ခုတွင် သေဆုံးလျက် ပြန််လည် တွေ့ရှိခဲ့ရခြင်းဖြစ်ကြောင်း သိရသည်။ရေနစ်သေဆုံးသွားသော ကလေးငယ်ရုပ်အလောင်းကို နယ်မြေဒီလပ်စခန်းမှ လာရောက်စစ်ဆေးခဲ့ပြီး မှုခင်းဆေးစာများ ပေးပို့ရန် စီစဉ်ဆောင်ရွက်လျက်ရှိသည်ဟု သိရှိရသည်။
