နမ္မတီးမြို့၊ မြတောင်ကျေးရွာ၊ ဆိပ်သာအနီးရှိ အခင်းတစ်ခုတွင် ယမန်နေ့က ဓားဒဏ်ရာဖြင့် သေဆုံးနေသည့် အမျိုးသားတစ်ဦး၏ရုပ်အလောင်းတွေ့ရှိခဲ့ပြီး ၂၄ ရက်နေ့ကလည်း အမျိုးသားတစ်ဦး လုယက်သတ်ဖြတ်ခံခဲ့ရသည်ဟု မြို့ခံအမျိုးသားတစ်ဦးက ပြောသည်။မြို့လှရပ်ကွက်တွင်နေသူ အသက် ၅၉ ခန့်အရွယ်အမျိုးသားကို မတ်လ ၂၄ ရက်နေ့က လုယက်သတ်ဖြတ်ခဲ့သည့် တရားခံအား ဖမ်းဆီးရမိထားပြီဖြစ်ကြောင်း သိရသည်။သေဆုံးသူနှစ်ဦးစလုံးသည် ဓားဖြင့်ထိုးသတ်ခံခဲ့ရခြင်းဖြစ်သည်ဟု မြို့ခံတစ်ဦးကပြောသည်။ နမ္မတီးမြို့ပေါ်တွင် မူးယစ်ဆေးဝါးသုံးစွဲသူ တစ်ရက်ထက်တစ်ရက်ပိုမိုများပြားသောကြောင့် ခိုးဆိုးလုယက်မှုများလည်း ပိုမိုအဖြစ်များလာနေကြောင်း မြို့ခံများ၏ပြောပြချက်အရသိရသည်။
