ပြည်တွင်းစက်သုံးဆီဈေးနှုန်း တစ်လီတာလျှင် ကျပ် ၈၀၀ မှ ၁၂၀၀ ခန့်အထိ ထပ်မံမြင့်တက်၊ ဒီဇယ်တစ်လီတာ ကျပ် ၆၀၀၀ ကျော်သို့ ရောက်ရှိ

မတ်လ ၂၇ ရက်နေ့မှ စတင်၍ ပြည်တွင်းစက်သုံးဆီဈေးနှုန်းများ သိသိသာသာ ထပ်မံမြင့်တက်လာမည်ဖြစ်ကြောင်း မဲခေါင်သတင်းဖော်ပြချက်အရ သိရသည်။ အဆိုပါ ဈေးနှုန်းအသစ်အရ စက်သုံးဆီအမျိုးအစားအလိုက် တစ်လီတာလျှင် ကျပ် ၈၀၀ မှ ၁၂၀၀ ဝန်းကျင်အထိ ဈေးနှုန်းတိုးမြှင့်သတ်မှတ်လိုက်ခြင်းဖြစ်ပြီး၊ ဒီဇယ်ဆီဈေးနှုန်းမှာ တစ်လီတာလျှင် ကျပ် ၆၀၀၀ ကျော်အထိ စံချိန်တင်မြင့်တက်လာမည်ဖြစ်သည်။ ထိန်းချုပ်ထားသည့် စက်သုံးဆီရောင်းချမှုစနစ်အတွင်း ယခုကဲ့သို့ ဈေးနှုန်းများ ရုတ်တရက် မြင့်တက်လာခြင်းကြောင့် အခြေခံကုန်ဈေးနှုန်းနှင့် သယ်ယူပို့ဆောင်ရေးကဏ္ဍများအပေါ် ရိုက်ခတ်မှုများ ရှိလာနိုင်ကြောင်း သုံးသပ်ရပါသည်။