ထိုင်းနိုင်ငံ အယုဒ္ဒယမြို့ဟောင်းတွင် ဆင်များနှင့်အတူ ရေကစားနိုင်မည့် ၂၀၂၆ မဟာသင်္ကြန်ပွဲတော်ကို ခမ်းနားစွာကျင်းပမည်

ထိုင်းနိုင်ငံ၏ သမိုင်းဝင်မြို့ဟောင်း အယုဒ္ဒယ (Ayutthaya) တွင် ခရီးသွားလုပ်ငန်း မြှင့်တင်ရန်ရည်ရွယ်သည့် "Maha Songkran Krung Kao 2026" ပွဲတော်ကြီးကို လာမည့် ဧပြီလ ၁၃ ရက်မှ ၁၅ ရက်အထိ Naresuan လမ်းတစ်လျှောက်၌ အကြီးအကျယ် ကျင်းပသွားမည်ဖြစ်သည်။ အဆိုပါပွဲတော်တွင် အထူးခြားဆုံးအစီအစဉ်အဖြစ် Ayutthaya Elephant Palace မှ ဆင်ကြီး ၉ ကောင်နှင့်အတူ ခရီးသွားများ ပျော်ပျော်ပါးပါး ရေကစားနိုင်မည့်အခွင့်အရေး ပါဝင်မည်ဖြစ်သည်။ ထို့ပြင် ၃.၈ ကီလိုမီတာအကွာအဝေးထိ လှည့်လည်မည့် Songkran အလှမယ်ယာဉ်တန်းများ၊ ရိုးရာဘုရားရေသပ္ပါယ်ပွဲများနှင့် ယဉ်ကျေးမှုတင်ဆက်မှုများစွာ ပါဝင်မည်ဖြစ်ရာ၊ ယခုနှစ်ပွဲတော်သည် အယုဒ္ဒယ၏ ၆၇၅ နှစ်ကျော် သမိုင်းအငွေ့အသက်များကို ဖော်ကျူးရင်း ဒေသတွင်းစီးပွားရေးကို ပြန်လည်အသက်ဝင်လာစေရန် တာဝန်ရှိသူများက မျှော်လင့်ထားကြောင်း lသိရှိရပါသည်။