ဟော်မုဇ်ရေလက်ကြားကို ထိုင်း သင်္ဘော ၂ စီး ဖြတ်သန်းခွင့်ရပြီ

အရှေ့အလယ်ပိုင်းဒေသ တင်းမာမှုများရှိနေသော်လည်း ထိုင်းနိုင်ငံခြားရေးဝန်ကြီးဌာနနှင့် အီရန်အစိုးရတို့ ညှိနှိုင်းမှုကြောင့် ထိုင်းကုန်တင်သင်္ဘောနှစ်စင်းသည် ဟော်မုဇ်ရေလက်ကြား (Strait of Hormuz) ကို ဘေးကင်းစွာ ဖြတ်သန်းခွင့်ရရှိခဲ့ကြောင်း သိရသည်။ ဘန်ချက် (Bangchak) ကုမ္ပဏီပိုင် သင်္ဘောသည် မတ်လ ၂၃ ရက်တွင် စတင်ဖြတ်သန်းခွင့်ရရှိကာ ထိုင်းနိုင်ငံသို့ ပြန်လည်ထွက်ခွာလာပြီဖြစ်သလို၊ SCG Chemicals ကုမ္ပဏီပိုင် သင်္ဘောတစ်စင်းလည်း ထပ်မံဖြတ်သန်းခွင့်ရရှိခဲ့သည်။ သို့သော် Mayuree Naree သင်္ဘောပေါ်တွင် ပိတ်မိနေသည့် ထိုင်းသင်္ဘောသား ၃ ဦး၏ ဘေးကင်းလုံခြုံမှုနှင့်ပတ်သက်၍ အတည်ပြုနိုင်ရန် အီရန်၊ အိုမန်အာဏာပိုင်များနှင့် ဆက်လက်စုံစမ်းနေဆဲဖြစ်သည်။ ထိုင်းနိုင်ငံသည် ပဋိပက္ခတွင် ပါဝင်ပတ်သက်ခြင်းမရှိသဖြင့် နိုင်ငံတကာဥပဒေအရ ထိုင်းသင်္ဘောများကို လွတ်လပ်စွာသွားလာခွင့်ပြုရန် တောင်းဆိုထားမှုကို အီရန်ဘက်က သဘောတူညီခဲ့ခြင်းဖြစ်ကြောင်း သိရှိရပါသည်။