ထိုင်းရောက်မြန်မာလုပ်သားနှစ်ဦးအတွက် နစ်နာကြေး ဘတ် ၁၇ သိန်းကျော် ရရှိရန် ကူညီပေးနိုင်ခဲ့

ထိုင်းနိုင်ငံရှိ လုပ်ငန်းခွင်အတွင်း စက်နှင့်ညှပ်၍ လက်ပြတ်သွားခဲ့သူ ကိုမျိုးဇော်အတွက် နစ်နာကြေး ဘတ် ၇ သိန်းကျော်နှင့် ယာဉ်တိုက်မှုကြောင့် သေဆုံးခဲ့ရသည့် ကိုသန့်ဇင်ဖြိုးအတွက် နစ်နာကြေး ဘတ် ၁၀ သိန်း (စုစုပေါင်း ဘတ် ၁၇ သိန်းကျော်) ကို WAG အဖွဲ့နှင့် မိတ်ဖက် NGO များက ကူညီဆောင်ရွက်ပေးမှုကြောင့် ၂၀၂၆ ခုနှစ်၊ မတ်လ ၂၄ ရက်တွင် အသီးသီးရရှိခဲ့ကြသည်။ ထိုင်းရောက်မြန်မာလုပ်သားများအနေဖြင့် လုပ်ငန်းခွင်အတွင်း ထိခိုက်မှုများရှိပါက အာမခံရှိသည်ဖြစ်စေ၊ မရှိသည်ဖြစ်စေ အခင်းဖြစ်ပြီး ၂ လအတွင်း သက်ဆိုင်ရာရုံးများသို့ အမြန်ဆုံးတိုင်ကြားရန်လည်း တိုက်တွန်းထားကြောင်း သိရှိရပါသည်။