back

ထိုင်းမှာ ဝက်သား၊ ကြက်သားနဲ့ ကြက်ဥဈေးတွေ မြင့်တက်

Mar 23 • 7:43 AM

breaking-news

Thailand

Local News

cover

ထိုင်းမှာ ဝက်သား၊ ကြက်သားနဲ့ ကြက်ဥဈေးတွေ မြင့်တက်

အရှေ့အလယ်ပိုင်းပဋိပက္ခကြောင့် စွမ်းအင်စရိတ်မြင့်တက်လာမှုနှင့်အတူ ထိုင်းနိုင်ငံအတွင်း အခြေခံစားသောက်ကုန်ဈေးနှုန်းများ အဆမတန် မြင့်တက်လျက်ရှိကြောင်း ၂၀၂၆ ခုနှစ်၊ ...

အရှေ့အလယ်ပိုင်းပဋိပက္ခကြောင့် စွမ်းအင်စရိတ်မြင့်တက်လာမှုနှင့်အတူ ထိုင်းနိုင်ငံအတွင်း အခြေခံစားသောက်ကုန်ဈေးနှုန်းများ အဆမတန် မြင့်တက်လျက်ရှိကြောင်း ၂၀၂၆ ခုနှစ်၊ မတ်လ ၂၃ ရက် သတင်းများအရ သိရသည်။ ပြည်တွင်းကုန်သွယ်ရေးဦးစီးဌာန၏ အချက်အလက်များအရ မတ်လဆန်းပိုင်းတွင် တစ်ကီလိုလျှင် ၈၀-၈၅ ဘတ်သာရှိသော ကြက်ပေါင်ဈေးမှာ ၉၀-၉၅ ဘတ်အထိလည်းကောင်း၊ ၁၄၅-၁၅၀ ဘတ်ရှိသော ဝက်သားဈေးမှာ ၁၅၀-၁၆၅ ဘတ်အထိလည်းကောင်း အသီးသီး မြင့်တက်လာခဲ့သည်။အလားတူ အခြေခံရိက္ခာဖြစ်သော ကြက်ဥဈေးနှုန်းမှာလည်း တစ်လုံးလျှင် ၄ ဘတ်ကျော်အထိ ရောင်းချနေရပြီး၊ လက်တွေ့ဈေးကွက်အတွင်း ဝယ်ယူနေရသည့် ဈေးနှုန်းများမှာ အစိုးရထုတ်ပြန်ချက်ထက် ပိုမိုမြင့်မားနေကြောင်း စားသုံးသူများက ဆိုကြသည်။ အထူးသဖြင့် နခွန်ပထုန် (Nakhon Pathom) ကဲ့သို့ မွေးမြူရေးခြံများတွင် အရင်းအနှီးဈေးနှုန်း မြင့်တက်လာခြင်းကြောင့် ဖြစ်ပြီး၊ ဝင်ငွေနည်းပါးသော မိသားစုများအတွက် စားဝတ်နေရေး ခက်ခဲလာနိုင်သဖြင့် သက်ဆိုင်ရာမှ အမြန်ဆုံး စုံစမ်းစစ်ဆေးဖြေရှင်းပေးရန် တောင်းဆိုထားကြကြောင်း သိရှိရပါသည်။

news-view-count-icon

13