တရုတ်ရင်းနှီးမြှုပ်နှံမှုတွေ ပိုများလာနိုင်တာကြောင့် ယွမ်ငွေ ခွင့်ပြုပေးခြင်းဖြစ်နိုင်

မြန်မာနိုင်ငံအတွင်း တရုတ်နိုင်ငံ၏ ရင်းနှီးမြှုပ်နှံမှုများ ပိုမိုဝင်ရောက်လာမည့် အလားအလာရှိနေသောကြောင့် အစိုးရက တရုတ်ယွမ်ငွေကို ရင်းနှီးမြှုပ်နှံမှုဆိုင်ရာ နိုင်ငံခြားငွေအဖြစ် ခွင့်ပြုပေးခြင်းဖြစ်နိုင်ကြောင်း စီးပွားရေးပညာရှင် ဦးသန်းစိုး (ဘောဂဗေဒ) က သုံးသပ်ပြောကြားခဲ့သည်။ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) ကလည်း ရင်းနှီးမြှုပ်နှံသူများအနေဖြင့် အမေရိကန်ဒေါ်လာသာမက ယွမ်ငွေဖြင့်ပါ မတည်ငွေရင်း လွှဲပြောင်းပေးချေမှုများ ဆောင်ရွက်နိုင်ကြောင်း အသိပေးထားပြီး ဖြစ်သည်။