သန်လျင်-ကျိုက်ခေါက်ဘုရားလမ်းဘေးရှိ ရထားဂုံးကျော်တံတားပေါ်မှ လူ(၁)ဦး ခုန်ချမှုဖြစ်ပွား

ရန်ကုန်တိုင်းဒေသကြီး၊ သန်လျင်မြို့၊ အောင်ချမ်းသာရပ်ကွက်၊ သန်လျင်-ကျိုက်ခေါက်ဘုရားလမ်းဘေးရှိ ရထားဂုံးကျော်တံတားပေါ်မှ မတ်လ၂၁ ရက် နံနက် ၀၇ ၁၉ အချိန်ခန့်က လူ(၁)ဦး ခုန်ချမှုဖြစ်ပွားကြောင်း သတင်းရရှိခဲ့သည်။သတင်းအရ သန်လျင်မြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ပါသည်။ နံနက် ၀၇ ၃၉ အချိန်တွင် ဂုံးတံတားပေါ်မှခုန်ချသူ (ထိခိုက်ဒဏ်ရာရ)အား ရထားသံလမ်းပေါ်မှ ဘေးလွတ်ရာသို့ရွှေ့ပြောင်းပေးခဲ့ပြီး ဂရုဏာအလင်းတန်းလူမှုကူညီရေးအသင်းမှ  သူနာတင်ယာဉ်ဖြင့် သန်လျင်ပြည်သူ့ဆေးရုံသို့ ပို့ဆောင်ပေးခဲ့ကြောင်းသိရသည်။