ထိုင်းနိုင်ငံတွင် မတ်လ ၂၁ ရက်မှစတင်၍ ဓာတ်ဆီ ၁ ဘတ်နှင့် ဒီဇယ် ၇၀ ဆာတန်း (Satang) ဈေးနှုန်းမြင့်တက်

ထိုင်းနိုင်ငံ PTT Station ဓာတ်ဆီဆိုင်များသည် ၂၀၂၆ ခုနှစ်၊ မတ်လ ၂၁ ရက် နံနက် ၅ နာရီမှစတင်ကာ စက်သုံးဆီလက်လီဈေးနှုန်းများကို ထပ်မံတိုးမြှင့်လိုက်ကြောင်း ကြေညာခဲ့သည်။ ဓာတ်ဆီနှင့် Gasohol အမျိုးအစားအားလုံးအတွက် တစ်လီတာလျှင် ၁ ဘတ်နှုန်း တိုးမြှင့်လိုက်သဖြင့် ဓာတ်ဆီတစ်လီတာ ၄၁.၆၄ ဘတ်၊ Gasohol 95 တစ်လီတာ ၃၃.၀၅ ဘတ်နှင့် Gasohol 91 တစ်လီတာ ၃၂.၆၈ ဘတ် အသီးသီး ဖြစ်လာပြီး Premium Gasohol 95 မှာမူ ၄၂.၀၄ ဘတ်ဖြင့် ဈေးနှုန်းအပြောင်းအလဲမရှိပေ။ ထို့ပြင် ဒီဇယ်ဆီအမျိုးအစားအားလုံးမှာလည်း တစ်လီတာလျှင် ၇၀ ဆာတန်း (Satang) စီ မြင့်တက်သွားရာ B7 နှင့် B20 ဒီဇယ်များမှာ ၃၁.၁၄ ဘတ်နှင့် Premium ဒီဇယ်မှာ ၄၄.၆၄ ဘတ်သို့ ရောက်ရှိသွားကြောင်း သိရသည်။ အဆိုပါသတ်မှတ်ဈေးနှုန်းများတွင် ဘန်ကောက်မြို့ပြအခွန် (BMA Tax) ပါဝင်ခြင်းမရှိသေးဘဲ ကမ္ဘာ့စွမ်းအင်ဈေးကွက် ဂယက်ရိုက်ခတ်မှုများကြောင့် ယခုကဲ့သို့ ဈေးနှုန်းပြောင်းလဲမှု ဖြစ်ပေါ်လာခြင်းဖြစ်ပါသည်။