မလေးရှားတွင် မည်သူမည်ဝါဖြစ်ကြောင်း သက်သေခံလက်မှတ်များထုတ်ပေးခြင်းကို ပုံမှန်ရုံးဖွင့်ရက်အပြင် ရက်တိုးသတ်မှတ်ထုတ်ပေး

မလေးရှားနိုင်ငံ၊ ကွာလာလမ်ပူမြို့ရှိ မြန်မာသံရုံးသည် မည်သူမည်ဝါဖြစ်ကြောင်း သက်သေခံလက်မှတ် (CI) ထုတ်ပေးခြင်းလုပ်ငန်းများကို ပုံမှန်ရုံးဖွင့်ရက်များအပြင် ၂၀၂၆ ခုနှစ်၊ မတ်လ ၂၈ ရက်၊ ဧပြီ ၄ ရက်၊ ဧပြီ ၁၁ ရက်နှင့် ဧပြီ ၁၉ ရက် (စနေ၊ တနင်္ဂနွေရက်များ) တွင်ပါ ထပ်တိုးဖွင့်လှစ်ဆောင်ရွက်ပေးသွားမည်ဖြစ်ကြောင်း ယနေ့ မတ်လ ၂၀ ရက်တွင် ထုတ်ပြန်ကြေညာခဲ့သည်။ လာရောက်လျှောက်ထားလိုသူများအနေဖြင့် မြန်မာသံရုံး၏ ဝက်ဘ်ဆိုက် (https://www.mekl.org) တွင် ကြိုတင်ရက်ချိန်း (Appointment) ရယူထားရန် လိုအပ်ပြီး၊ သတ်မှတ်ရက်ချိန်းရရှိသူများကိုသာ ဝန်ဆောင်မှုပေးသွားမည်ဖြစ်ကြောင်း သိရှိရပါသည်။