လေထုညစ်ညမ်းမှုလျှော့ချရန် တောင်ယာမီးရှို့သည့်ဧရိယာမှ မြန်မာအစေ့ထုတ်ပြောင်းကိုထိုင်းတင်သွင်းခွင့်မပြု

ထိုင်းက နယ်စပ်ဖြတ်ကျော်မီးခိုးမြူနဲ့ PM2.5 လေထုညစ်ညမ်းခြင်းကို လျှော့ချဖို့ တောင်ယာမီးရှို့တဲ့ဧရိယာမှ အစေ့ထုတ် ပြောင်းတွေကို ထိုင်းက တင်သွင်းခွင့်မပြုဘူးလို့ မီးခိုးမြူကင်းစင်ကြောင်း ထောက်ခံချက်ထုတ်ပေးရေးလုပ်ငန်း မှတ်ပုံတင်ခြင်းဆိုင်ရာ အစိုးရ-ပုဂ္ဂလိကလုပ်ငန်းအဖွဲ့မှ သိရပါတယ်။ထိုင်းအနေနဲ့ စင်ကာပူအခြေစိုက် အာဆီယံမိုးလေဝသဌာနကတွေ့ရှိချက်တွေကိုအခြေခံကာ နောက်ကြောင်းပြန်စိစစ်ပြီး မီးခိုးမြူကင်းစင်ကြောင်းထောက်ခံချက်တွေထုတ်ပေးလျက်ရှိတယ်လို့ဆိုပါတယ်။ အစေ့ထုတ်ပြောင်းစိုက်မယ့်သူတွေအနေနဲ့ စိုက်ပျိုးဧရိယာအတွင်းတောင်ယာခုတ်ထွင်မီးရှို့ခြင်းလုံးဝမပြုဖို့ တားမြစ်လိုက်တယ်လို့ သိရပါတယ်။