ယခုနှစ်ကွမ်းသီးခူးစွတ်ရောင်းချသည့်ရာသီတွင် ယခင်ကထက် ကွမ်းသီးဈေး တဖြည်းဖြည်းကျဆင်းလာသောကြောင့် ကွမ်းသီးသိုလှောင်ကာ ပြန်လည်ရောင်းချမည့်သူများ အရှုံးပေါ်နေကြောင်း လုပ်ငန်းလုပ်ကိုင်သူများက ပြောသည်။ပြီးခဲ့သည့်နှစ် ကွမ်းသီးရာသီက တစ်ပိသာလျှင် ငွေကျပ်(၃၀,၀၀၀) ဖြင့် ရောင်းဈေးရှိခဲ့ရာမှ ယခုနှစ်တွင် ကွမ်းသီးတစ်ပိသာလျှင် (၁၂,၀၀၀)ကျပ်မှ (၇,၀၀၀)ကျပ်အထိ ဈေးနှုန်းကျဆင်းသွားခြင်းဖြစ်သည်။ ထိုဈေးမှာ မူရင်းဝယ်ဈေးသာရှိ၍ အရှုံးပေါ်ခြင်းဖြစ်သည်ဟု ကြာအင်းဆိပ်ကြီးမြို့နယ်နေ ကွမ်းကုန်သည်တစ်ဦးက ပြောသည်။
