မြန်မာနိုင်ငံရဲ့ ရက်အရှည်ကြာဆုံးဘုရားပွဲဖြစ်တဲ့ ရွှေစက်တော်ဘုရားပွဲဟာ Day clubဖြစ်နေပြီလားလို့ ဒေသခံတွေမေးခွန်းထုတ်နေကြပါတယ်။အရင်က စိတ်အေးချမ်းသာစွာ ဖူးမြှော်နိုင်တဲ့ ရွှေစက်တော်ဘုရားပွဲဟာ ပြီးခဲ့တဲ့ ရက်ပိုင်းတွေစပြီး မန်းချောင်းရေပြင်တဝိုက်မှာ သီချင်းသံ ဒီဂျေသံတွေနဲ့ ဆူညံနေတယ်လို့ ရွှေစက်တော်အနီးနားက ရွာခံတစ်ဦးက ပြောပါတယ်။ အရင်တချိန်က ဘုရားပွဲခင်းထဲ အရက်သေစာသယ်ယူခွင့်တောင်မပေးခဲ့တဲ့ ရွှေစက်တော်ဘုရားပွဲမှာ အခုဆိုရင် အများပြည်သူတွေအမြင်မတင့်တယ်တဲ့ အမူအရာတွေပါ လုပ်နေကြတာလို့ဆိုပါတယ်။ ဒီနှစ်မှာတော့ မန်းရွှေစက်တော်ဘုရားပွဲကို ဇန်နဝါရီ ၂၂ရက်ကနေ ဧပြီ ၁၇ရက်အထိ ၈၆ရက်ကြာ ကျင်းပနေတာဖြစ်ပါတယ်။
