မန္တလေးခရိုင်အတွင်း အလှည့်ကျ လျှပ်စစ်မီးဖြတ်မယ့် အချိန်စာရင်း ထုတ်ပြန်လိုက်ပြီး တစ်ရက် ၈ နာရီ မီးဖြတ်မယ်လို့ လျှပ်စစ်ရုံးတွေက ကြေညာပါတယ်။လျှပ်စစ်မီးကို အုပ်စု (A)၊ (B) နဲ့ (C) ဟူ၍ သုံးအုပ်စုခွဲထားကာ တစ်ရက်လျှင် ည ၁၂ နာရီကနေ မနက် ၄ နာရီအထိ အုပ်စု A၊ မနက် ၄ နာရီမှ မနက် ၈ နာရီ အထိ အုပ်စု B၊ မနက် ၈ နာရီမှ နေ့လယ် ၁၂ နာရီအထိ အုပ်စု C၊ နေ့လယ် ၁၂ နာရီမှ ညနေ ၄ နာရီအထိ အုပ်စု A၊ ညနေ ၄ နာရီမှ ည ၈ နာရီအထိ အုပ်စု B၊ ည ၈ နာရီမှ ည ၁၂ နာရီအထိ အုပ်စု C စသဖြင့် အလှည့်ကျ ၄ နာရီကြာ လျှပ်စစ်ဓာတ်အား ဖြတ်တောက်သွားမှာဖြစ်ကြောင်း လျှပ်စစ်ရုံးတွေရဲ့ထုတ်ပြန်ချက်အရ သိရပါတယ်။ ထုတ်ပြန်ထားတဲ့ အချိန်စာရင်းအရ အုပ်စုတစ်စုကို မီး ၄ နာရီပိတ်၊ ၈ နာရီလာတဲ့ စနစ်ကိုအသုံးပြုသွားမယ်လို့ သိရတယ်။အလှည့်ကျစနစ်နဲ့ ဖြတ်တောက်တာကို မတ်လကနေ ဇွန်လအထိ လေးလကြာဆောင်ရွက်သွားဖို့ စီစဉ်ထားတယ်လို့လည်း ထုတ်ပြန်ချက်အရ နားလည်ရပါတယ်။
