ပတ္တရား Walking Street မှာ မြန်မာ အပါအဝင် ဂိုဏ်းဖွဲ့တိုက်ခိုက်သူတွေကို ဖမ်းဆီး

ထိုင်းနိုင်ငံ၊ ပတ္တရားမြို့ Walking Street ရှိ Siam Bayshore Resort အနီးတွင် မတ်လ ၁၅ ရက် ညဉ့်နက်ပိုင်းက ရွှေ့ပြောင်းအလုပ်သမား ၂၀ ခန့်ပါဝင်သည့် လက်နက်ကိုင်ရန်ပွဲတစ်ခုဖြစ်ပွားခဲ့ရာ ရဲတပ်ဖွဲ့က ဝင်ရောက်ဖြိုခွင်းခဲ့ပြီး မြန်မာနိုင်ငံသား ၂ ဦးနှင့် ကရင် ၃ ဦး အပါအဝင် စုစုပေါင်း ၉ ဦးကို ဓား ၂ လက်နှင့်အတူ ဖမ်းဆီးရမိခဲ့ကြောင်း သိရသည်။ ရဲတပ်ဖွဲ့သည် ည ၁၁ နာရီ ၄၆ မိနစ်တွင် သတင်းအရ သွားရောက်တားဆီးခဲ့ခြင်းဖြစ်ပြီး ကျန်ရှိသည့် ပြိုင်ဘက်ဂိုဏ်းဝင်များမှာ ဆိုင်ကယ်များဖြင့် ထွက်ပြေးလွတ်မြောက်သွားခဲ့ကာ ဖမ်းဆီးရမိသူများကို ဥပဒေအရ အရေးယူနိုင်ရန် ဆက်လက်ဆောင်ရွက်နေကြောင်း သိရသည်။