ဘာစီလိုနာဥက္ကဋ္ဌရွေးကောက်ပွဲမှာ လာပေါ်တာ အနိုင်ရပြီး ၂၀၃၁ ခုနှစ်အထိ ဆောင်ရွက်ခွင့်ရရှိ

စပိန်ထိပ်သီး ဘာစီလိုနာကလပ်အသင်း၏ ဥက္ကဋ္ဌရွေးကောက်ပွဲကို မတ်လ ၁၄ ရက်တွင် ကျင်းပခဲ့ရာ လက်ရှိဥက္ကဋ္ဌ လာပေါ်တာ (Joan Laporta) က ပြိုင်ဘက် ဗစ်တာဖောင့်ကို ဆန္ဒမဲ ၆၈ ရာခိုင်နှုန်းဖြင့် အပြတ်အသတ်အနိုင်ရရှိကာ ၂၀၃၁ ခုနှစ်အထိ အသင်းကို ဆက်လက်ဦးဆောင်ခွင့် ရရှိသွားကြောင်း သိရသည်။ အသင်းအဖွဲ့ဝင် ၄၈,၀၀၀ ကျော် လာရောက်မဲပေးခဲ့သည့် အဆိုပါရွေးကောက်ပွဲတွင် အသင်း၏ နည်းပြ၊ ကစားသမားဟောင်းများနှင့် လက်ရှိကစားသမားများပါ ပါဝင်ဆင်နွှဲခဲ့ကြပြီး၊ အနိုင်ရရှိပြီးနောက် လာပေါ်တာက အသင်းသားများနှင့်အတူ အောင်ပွဲခံကာ မဲပေးခဲ့ကြသူအားလုံးကို ကျေးဇူးတင်စကား ပြောကြားခဲ့သည်။