လှည်းကူးမြိုနယ်၌ (၈၁) နှစ်မြောက် တပ်မတော်နေ့အား ကြိုဆိုဂုဏ်ပြုသောအားဖြင့် ဆိုလာစနစ်ဖြင့် ကျေးရွာမီးလင်းရေးစီမံကိန်း ဖွင့်ပွဲအခမ်းအနားကျင်းပ

(၈၁) နှစ်မြောက် တပ်မတော်နေ့အား ကြိုဆိုဂုဏ်ပြုသောအားဖြင့် ဆိုလာစနစ်ဖြင့် ငမိုးရိပ်လျှပ်စစ်မြစ်ရေတင်နှင့် ကျေးရွာမီးလင်းရေးစီမံကိန်းဖွင့်ပွဲအခမ်းအနားကို ယမန်နေ့ နံနက်ပိုင်းက ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်၊ မုဆိုးညောင်ပင်ကျေးရွာတွင် ကျင်းပရာ အခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း၊ တိုင်းဒေသကြီးအစိုးရအဖွဲ့ဝင်များ၊ ဌာနဆိုင်ရာအကြီးအကဲများ၊ ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌနှင့် အဖွဲ့ဝင်များ၊ ပြည်သူများနှင့် တာဝန်ရှိသူများ တက်ရောက်ခဲ့ကြသည်။ယခုတည်ဆောက်ဖွင့်လှစ်သည့် ငမိုးရိပ်ဆိုလာရေတင်လုပ်ငန်းတွင် မူလက (250 Kw) မော်တာနှင့် ၄၀ ကျူဆက်ပန့် (၆) စုံကို တပ်ဆင်ပြီး မဟာဓာတ်အားလိုင်းမှ လျှပ်စစ်ဖြင့် ရေပေးဝေခဲ့ရာမှ ၂၀၂၅-၂၀၂၆ ဘဏ္ဍာရေးနှစ်တွင် (720 W) ဆိုလာ အချပ်ရေ (၁၀၇၈)ချပ် ( ၁၄ ချပ် String ၇၇ ခု) ကို တပ်ဆင်၍ ရေမောင်းနှင်ရန်အတွက် (0.4/11 kV) 110 kW Ongrid Inverter (၇)လုံးမှ (750) Kw ကို ထုတ်လုပ်ရာ 750 KVA Step-up Transformer (၁) လုံးဖြင့် မီးအားမြှင့်တင်ပြီး (250 Kw) မော်တာနှင့် ၄၀ ကျူဆက်ပန့် (၆) စုံတို့အား နေ့အချိန်တွင် လျှပ်စစ် + ဆိုလာစနစ်ဖြင့် စုစုပေါင်း (၃၄၅၄) ဧကကို ရေပေးဝေနိုင်မည်ဖြစ်ကြောင်းနှင့် စိုက်ပျိုးရေထပ်မံလိုအပ်ပါက ညပိုင်းတွင် လျှပ်စစ်ဓာတ်အားဖြင့် မောင်းနှင်၍ ပေးဝေနိုင်မည်ဖြစ်ကြောင်း သိရသည်။