စင်ကာပူတွင် အစားအသောက် Vlogger တစ်ဦး ရဟန်းဝတ်စုံဝတ်ဆင်ပြီး ဟော့ကင်းမီး (Hokkien Mee) စားပြသဖြင့် ဝေဖန်မှုများမြင့်တက်

၂၀၂၆ ခုနှစ်၊ မတ်လ ၁၁ ရက်နေ့၊ Stomp သတင်းဌာနမှ ဖော်ပြချက်အရ သိရပါတယ်၊၊ စင်ကာပူနိုင်ငံက နာမည်ကြီး Food Vlogger တစ်ဦးဟာ Bukit Batok အရပ်မှာရှိတဲ့ ဟော့ကင်းမီး (Hokkien Mee) ဆိုင်ကို သွားရောက်စားသောက်ရာမှာ ရဟန်းတော်တစ်ပါးလို ဝတ်ဆင်ပြီး ရိုက်ကူးခဲ့တာကြောင့် လူမှုကွန်ရက်ပေါ်မှာ ပြင်းပြင်းထန်ထန် ဝေဖန်ခံနေရပါတယ်၊၊Jazz Ang လို့ အမည်ရတဲ့ ဒီ Vlogger ဟာ Block 155 Bukit Batok Street 11 မှာရှိတဲ့ နာမည်ကြီး ဆိုင်နှစ်ဆိုင်ဖြစ်တဲ့ 777 Fried Hokkien Prawn Mee နဲ့ Yong Heng Fried Squid Prawn Mee ဆိုင်တွေကို သွားရောက်ခဲ့တာ ဖြစ်ပါတယ်၊၊ သူဟာ "Journey to the West" ထဲက စံနမူနာယူပြီး ရဟန်းဝတ်စုံကို ဝတ်ဆင်ထားသလို သူနဲ့အတူပါလာတဲ့ သူငယ်ချင်းဖြစ်သူ Lisa ကလည်း မယ်တော်ဂွမ်ရင် ပုံစံမျိုး ဝတ်ဆင်ခဲ့တာကို တွေ့ရပါတယ်၊၊ဒီဗီဒီယိုဟာ ဗုဒ္ဓဘာသာဝင်တွေအပေါ် စော်ကားရာရောက်တယ်လို့ လူအများက ယူဆနေကြပါတယ်၊၊ အထူးသဖြင့် သတ်သတ်လွတ်စားသုံးကြတဲ့ ရဟန်းသံဃာတော်တွေရဲ့ ပုံသဏ္ဍာန်ကို ယူပြီး ဝက်သားနဲ့ ပုစွန်တွေပါဝင်တဲ့ ဟော့ကင်းမီးကို စားပြတာဟာ ဟာသမဟုတ်ဘဲ ဘာသာရေးအပေါ် မလေးစားရာရောက်တယ်လို့ ဝေဖန်သူတွေက ဆိုပါတယ်၊၊အဆိုပါ ဗီဒီယိုကို မူရင်းတင်ထားတဲ့ နေရာကနေ ပြန်လည်ဖြုတ်ချလိုက်ပြီ ဖြစ်ပေမဲ့ Complaint Singapore ဆိုတဲ့ Facebook Group ထဲမှာတော့ ဒီလုပ်ရပ်အပေါ် ဒေါသထွက်နေကြတဲ့ မှတ်ချက်တွေ အများကြီး ရှိနေပါတယ်၊၊ နစ်နာသူ ဒါမှမဟုတ် စိတ်အနှောင့်အယှက်ဖြစ်ရသူတွေကတော့ ဒါဟာ ဘာသာရေးကို လှောင်ပြောင်တာဖြစ်လို့ လုံးဝလက်မခံနိုင်ဘူးလို့ တုံ့ပြန်ထားကြပါတယ်၊၊