ကြည့်မြင်တိုင်နှင့် အလုံအစပ် ဆင်ရေကန်လမ်း လူကူးတံတားပေါ်တွင် အမျိုးသားတစ်ဦး ဓားထိုးခံရ

၂၀၂၆ ခုနှစ်၊ မတ်လ ၉ ရက် ညပိုင်းအချိန်တွင် ကြည့်မြင်တိုင်မြို့နယ်နှင့် အလုံမြို့နယ်အကြားရှိ ဆင်ရေကန်လမ်း လူကူးတံတားပေါ်၌ အမျိုးသားတစ်ဦး ဓားထိုးခံရမှု ဖြစ်ပွားခဲ့သည်။ အဆိုပါဖြစ်စဉ်နေရာသို့ အားမာန်ပရဟိတကုသိုလ်ဖြစ်အသင်း အပါအဝင် လူမှုကူညီရေးအသင်း (၄) သင်းမှ စေတနာ့ဝန်ထမ်း (၁၀) ဦးခန့် ရောက်ရှိကူညီခဲ့ကြသည်။ ဓားထိုးခံရသူအား မြေပြင်တွင် ရှေးဦးပြုစုမှုများ ပြုလုပ်ပေးခဲ့ပြီးနောက် ရန်ကုန်ဆေးရုံကြီးသို့ အသက်ရှင်လျက် အချိန်မီ ပို့ဆောင်ကူညီပေးခဲ့ကြောင်း သိရသည်။