ရန်ကုန်တိုင်းဒေသကြီး၊ ကျောက်မြောင်းဈေးနှင့် မေတ္တာညွန့်ရပ်ကွက်ရှိ မေတ္တာညွန့်ဈေးတို့တွင် မီးဘေးလုံခြုံရေးနှင့် မီးဘေးကြိုတင်ကာကွယ်ရေးအတွက်လုပ်ဆောင်

၁၀.၃.၂၀၂၆ ရက်ယနေ့၊ ၀၉နာရီ ဝဝ အချိန်၊ ရန်ကုန်တိုင်းဒေသကြီး၊ တာမွေမြို့နယ်၊ ဗျိုင်းရေအိုးစင်ရွာမရပ်ကွက်ရှိ ကျောက်မြောင်းဈေးနှင့် မေတ္တာညွန့်ရပ်ကွက်ရှိ မေတ္တာညွန့်ဈေးတို့တွင် မီးဘေးလုံခြုံရေးနှင့် မီးဘေးကြိုတင်ကာကွယ်ရေးအတွက် မြို့နယ်မီးသတ်ဦးစီးမှူးမှ ဦးဆောင်၍ သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ဈေးအတွင်းနှင့်အပြင်ရှိ လျှပ်စစ်မီးသုံးစွဲမှု အခြေအနေများ စစ်ဆေးခြင်း၊ အရေးပေါ်အချိန်တွင်အသုံးပြုရမည့် မီးသတ်ဆေးဘူးများ ကောင်း/မကောင်း စစ်ဆေးခြင်းနှင့် 191 Report Mobile Application အား ပြည်သူများ၏ လက်ကိုင်ဖုန်းများတွင် ထည့်သွင်းပေးပြီး အသုံးပြုနည်းများ ရှင်းပြပေးခြင်းလုပ်ငန်းများ ဆောင်ရွက်ခဲ့ပါသည်။