ကားနောက်ခန်းအတွင်းတွင် ထည့်ထားသော ဓာတ်ဆီပုံးမှ အငွေ့ပျံကာအပူလွန်ကဲပြီးဖြစ်ပွားသော ကားမီးလောင်မှုတစ်ခု ယနေ့(မတ်လ ၀၉ ရက်) မွန်းတည့် ၁၂ နာရီခွဲအချိန်ခန့်က ပဲခူးတိုင်းဒေသကြီး၊ ဘုရားကြီးမြို့၊ အမှတ်(၂) ရပ်ကွက်၊ ဝေါလမ်း၌ ဖြစ်ပွားခဲ့ကြောင်း ဒေသခံများထံမှ သိရသည်။မီးလောင်ကျွမ်းမှုကို သက်ဆိုင်ရာမှ စစ်ဆေးရာတွင် အဆိုပါကား၏ အနောက်ခန်းအတွင်းတွင် ပလတ်စတစ်ပုံးဖြင့် ထည့်ထားသောဓာတ်ဆီမှာ အငွေ့ပျံပြီးအပူလွန်ကဲရာမှ ကားကူရှင်များသို့ကူးစက်ကာ ကားမီးလောင်မှုဖြစ်ပွားခြင်းလည်း ဖြစ်ကြောင်း သိရသည်။
