စီရော်နယ်လ်ဒို ရှယ်ယာဝင်ပြီးနောက် အယ်မယ်ရီယာအသင်းသည် စပိန်၌ Instagram Follower ၅ သင်းမြောက် အများဆုံးကလပ် ဖြစ်လာ

ပေါ်တူဂီကြယ်ပွင့် စီရော်နယ်လ်ဒိုသည် စပိန်ဒုတိယတန်းကလပ် အယ်မယ်ရီယာအသင်း၏ ရှယ်ယာ ၂၅ ရာခိုင်နှုန်းကို ဖေဖော်ဝါရီလ ၂၆ ရက်တွင် ဝယ်ယူခဲ့ပြီးနောက် ၉ ရက်အတွင်း အသင်း၏ Instagram Follower မှာ ၃.၂ သန်းအထိ မြင့်တက်လာပြီး ဘက်တစ်အသင်းကို ကျော်ဖြတ်ကာ စပိန်၌ ၅ သင်းမြောက် Follower အများဆုံးကလပ် ဖြစ်လာခဲ့သည်။ လက်ရှိတွင် အယ်မယ်ရီယာသည် ရီးယဲလ်မက်ဒရစ်၊ ဘာစီလိုနာ၊ အက်သလက်တီကိုနှင့် ဆီဗီလာတို့၏ နောက်တွင် ရပ်တည်နေပြီး တစ်နေ့လျှင် Follower ပျမ်းမျှ ၂ သိန်းကျော် ပုံမှန်တိုးပွားလျက်ရှိသည်။ အသင်းသည် လက်ရှိတွင် ဒုတိယတန်း၌ အဆင့် ၂ နေရာတွင် ရပ်တည်နေပြီး လာလီဂါသို့ တန်းတက်နိုင်ရန် အလားအလာကောင်းများ ပိုင်ဆိုင်ထားကြောင်း သိရသည်။