ပတ္တရားမှာ ကိုရီးယားခရီးသွားဆီကနေ ငွေခိုးယူပြီး သောင်းကျန်းထွက်ပြေးခဲ့တဲ့ လိင်ပြောင်းအမျိုးသမီးကို ဘန်ကောက်မှာ ရဲတပ်ဖွဲ့ ဖမ်းဆီးရမိ

ပြီးခဲ့သည့် ဖေဖော်ဝါရီလအတွင်း ပတ္တရားမြို့ရှိ Pool Villa တစ်ခုတွင် ကိုရီးယားခရီးသွား မစ္စတာကင်မ်ထံမှ ထိုင်းဘတ်ငွေ ၂ သောင်းကို ခိုးယူကာ ပစ္စည်းများရိုက်ခွဲ၍ ထွက်ပြေးသွားခဲ့သည့် အသက် ၂၀ အရွယ် လိင်ပြောင်းအမျိုးသမီး ရတ်သပွန်း (ခေါ်) ဖန်ဖာကို ၂၀၂၆ ခုနှစ်၊ မတ်လ ၅ ရက်နေ့တွင် ဘန်ကောက်မြို့၌ ခရီးသွားရဲတပ်ဖွဲ့က ဖမ်းဆီးရမိခဲ့သည်။ ဖမ်းဆီးခံရသူသည် ယခင်ကလည်း ဂျာမန်ခရီးသွားတစ်ဦးကို ကိုယ်ထိလက်ရောက်ကျူးလွန်မှုဖြင့် သံသယရှိသူစာရင်းဝင်နေသူဖြစ်ပြီး ပတ္တရားခရိုင်တရားရုံးက ဖမ်းဝရမ်းထုတ်ထားသူဖြစ်သည်။ စစ်ဆေးမေးမြန်းရာတွင် ဖန်ဖာက ခရီးသွား၏အိတ်အတွင်း ငွေအမြောက်အမြားတွေ့ရှိသဖြင့် လောဘတက်ကာ ခိုးယူခဲ့ခြင်းဖြစ်ကြောင်း ဝန်ခံခဲ့ပြီး ရဲတပ်ဖွဲ့က ၎င်းကို ဥပဒေအရ ဆက်လက်အရေးယူဆောင်ရွက်လျက်ရှိကြောင်း သိရသည်။