ဘန်ကောက်မြို့တွင် ပြင်းထန်သောအပူလှိုင်းဒဏ်မှ ကာကွယ်ရန် သောက်ရေရရှိမည့်နေရာ ၂,၈၀၀ ကျော်နှင့် အအေးပေးဇုန် ရာဂဏန်းကို မြို့တော်ဝန် စီစဉ်ပေး

ဘန်ကောက်မြို့တော်ဝန် Chadchart Sittipunt သည် မေလလယ်အထိ ကျရောက်မည့် ပြင်းထန်သောအပူလှိုင်းဒဏ်မှ ပြည်သူများကို ကာကွယ်ရန်အတွက် မြို့အနှံ့တွင် သန့်ရှင်းသော သောက်ရေရရှိနိုင်မည့်နေရာ ၂,၈၀၆ ခုနှင့် လေအေးပေးစက်တပ်ဆင်ထားသည့် BKK Cooling Centres ၂၅၅ ခုကို ဖွင့်လှစ်ပေးလိုက်ကြောင်း သိရသည်။ အပူရှပ်ခြင်း (Heatstroke) ကို ကာကွယ်နိုင်ရန် အဓိကပြည်သူ့ပန်းခြံများနှင့် အသေးစားပန်းခြံပေါင်း ၃၀၀ ကျော်တွင် အအေးပေးဇုန်များ ဖန်တီးထားပြီး ကျောင်းများ၊ ကျန်းမာရေးဌာနများနှင့် ခရိုင်ရုံးများကိုလည်း နားခိုရာနေရာများအဖြစ် အသုံးပြုနိုင်ရန် စီစဉ်ထားသည်။ ထို့ပြင် အပူချိန်နှင့် စိုထိုင်းဆအလိုက် အဆင့် ၄ ဆင့်ပါ ကျန်းမာရေးသတိပေးစနစ် (Color-coded Warning System) ကို မိတ်ဆက်ထားပြီး အနီရောင်အဆင့်တွင် ပြင်ပလှုပ်ရှားမှု လုံးဝမပြုလုပ်ရန် တိုက်တွန်းထားကြောင်း ဖော်ပြထားသည်။