အာဆီယံနှင့် အိန္ဒိယ၊ ယူကေ၊ ကနေဒါ ပူးပေါင်းဆောင်ရွက်ရေးပူးတွဲကော်မတီအစည်းအဝေးများကျင်းပ

အာဆီယံအတွင်းရေးမှူးချုပ်ရုံး၌ ကျင်းပပြုလုပ်ခဲ့သည့် (၂၆) ကြိမ်မြောက် အာဆီယံ-အိန္ဒိယ၊ (၅) ကြိမ်မြောက် အာဆီယံ-ယူကေ နှင့် (၁၄) ကြိမ်မြောက် အာဆီယံ-ကနေဒါ ပူးပေါင်းဆောင်ရွက်ရေး ပူးတွဲကော်မတီအစည်းအဝေးများသို့ အာဆီယံဆိုင်ရာ မြန်မာအမြဲတမ်းကိုယ်စားလှယ် ဦးအောင်မျိုးမြင့် တက်ရောက်ခဲ့သည်။ မတ်လ ၆ ရက်က ကျင်းပသည့် အာဆီယံ-ကနေဒါ အစည်းအဝေးတွင် လက်ရှိ (၂၀၂၁-၂၀၂၅) လုပ်ငန်းအစီအစဉ် အကောင်အထည်ဖော်နိုင်မှုများကို သုံးသပ်ခဲ့ကြပြီး၊ လာမည့် (၂၀၂၆-၂၀၃၀) အတွက် လုပ်ငန်းအစီအစဉ်သစ်ကို မကြာမီ အတည်ပြုထုတ်ပြန်နိုင်ရန် ကြိုဆိုခဲ့ကြကြောင်း သိရသည်။