ရန်ကုန်မြို့တော်အသံလွှင့်ဌာန (City FM) ၏ (၂၄) နှစ်မြောက် နှစ်ပတ်လည်ဂုဏ်ပြုညစာစားပွဲကို မတ်လ ၁၂ ရက်တွင် MCC ၌ ကျင်းပမည်

နားဆင်သူပြည်သူများအတွက် အသိပညာဗဟုသုတနှင့် တေးသံသာများကို စဉ်ဆက်မပြတ် တင်ဆက်ပေးနေသည့် ရန်ကုန်မြို့တော်အသံလွှင့်ဌာန (City FM) သည် ပြီးခဲ့သည့် ဇန်နဝါရီလတွင် တည်ထောင်မှု (၂၄) နှစ် ပြည့်မြောက်ခဲ့ပြီဖြစ်သည်။ ယင်း (၂၄) နှစ်မြောက် နှစ်ပတ်လည် အထိမ်းအမှတ် ဂုဏ်ပြုညစာစားပွဲကို လာမည့် မတ်လ ၁၂ ရက်၊ ညနေ ၆ နာရီခွဲတွင် ရန်ကုန်မြို့၊ မင်းဓမ္မလမ်းရှိ မြန်မာကွန်ဗင်းရှင်းစင်တာ (MCC) ၌ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။