ဗြိတိန်နိုင်ငံရဲ့ ပညာရေးဗီဇာ ရပ်ဆိုင်းမှုနဲ့ပတ်သက်လို့ တရားဝင် ဗီဇာလျှောက်ထားဆဲနဲ့ အသစ်လျှောက်ထားမယ့် မြန်မာ ကျောင်းသားတွေအနေနဲ့ ယူကေတက္ကသိုလ်တွေက ထုတ်ပြန်လာမယ့် နောက်ဆုံးအခြေအနေကို စောင့်ကြည့်စေလိုတယ်လို့ နိုင်ငံတကာ ကျောင်းတွေအတွက် ပညာရေးဝန်ဆောင်မှု ပေးနေသူတွေက ပြောပါတယ်။ဗြိတိန်နိုင်ငံရဲ့ လက်ရှိ ဆုံးဖြတ်ချက်ဟာ ယူကေမှာ ပညာသင်ယူဖို့ စီစဉ်ထားတဲ့ မြန်မာကျောင်းသား အသစ်တွေအတွက် လျှောက်ထားခွင့် ယာယီပိတ်ပင်မှာ ဖြစ်ပေမယ့်လည်း လက်ရှိ ယူကေမှာ တက်ရောက်နေသူတွေအပေါ် သက်ရောက်မှု မရှိသေးဘူးလို့ ၎င်းတို့က ပြောပါတယ်။ဗြိတိန်အစိုးရအနေနဲ့ ဗီဇာစနစ် ခိုင်မာစေချင်တာကြောင့် အခုလို တင်းကျပ်တဲ့စည်းကမ်း ချမှတ်လိုက်တာဖြစ်ပေမယ့် အခု ထုတ်ပြန်ချက်ဟာ ဗီဇာရပြီးသား student visa holders တွေရဲ့ ဗီဇာကို ဖျက်သိမ်းလိုက်တာ မဟုတ်ဘဲ မတ်လ ၃ ရက်ကစပြီး အသစ်လျှောက်မယ့် သူတွေအတွက် ရည်ညွန်းတာလို့ သိရပါတယ်။
