မလေးရှားဘဏ္ဍာရေးဝန်ကြီးဌာန၏ နောက်ဆုံးထုတ်ပြန်ချက်အရ လာမည့်တစ်ပတ်တာကာလ (မတ်လ ၅ ရက်မှ ၁၁ ရက်အထိ) အတွင်း စက်သုံးဆီစျေးနှုန်းများ ပြောင်းလဲသတ်မှတ်လိုက်ရာ RON97 ဓာတ်ဆီစျေးနှုန်းမှာ တစ်လီတာလျှင် ၁၀ ဆင့် မြင့်တက်လာပြီး မလေးရှားကျွန်းဆွယ်ဒေသရှိ ဒီဇယ်စျေးနှုန်းမှာလည်း တစ်လီတာလျှင် ၈ ဆင့် မြင့်တက်သွားမည်ဖြစ်သည်။ သို့သော်လည်း အများပြည်သူအသုံးပြုမှုများသည့် RON95 ဓာတ်ဆီစျေးနှုန်းနှင့် ဆာဘား၊ ဆာရာဝပ်ပြည်နယ်များရှိ ဒီဇယ်စျေးနှုန်းများကိုမူ မူလသတ်မှတ်စျေးနှုန်းအတိုင်းပင် ပြောင်းလဲခြင်းမရှိဘဲ ဆက်လက်ထိန်းထားမည်ဖြစ်ကြောင်း သိရှိရသည်။
